 |
|
|
 |
|
|
 |
 |
|
 |
|
|
|
||
 |
|
|
 |
|
|
|
||
 |
|
|
 |
|
|
 |
|
|
 |
|
|
 |
|
|
|
||
 |
|
|
 |
|
|
|
||
 |
|
|
 |
|
|
Mae gan Sir Ddinbych ei Swyddog Datblygu Pêl-rwyd ei hun, ar gyfer digwyddiadau cenedlaethol neu wybodaeth ynghylch Cymdeithas Bêl-rwyd Cymru ewch i www.welshnetball.co.uk
Rôl y swyddog datblygu pêl-rwyd yw gweithio mewn partneriaeth â Chyngor Sir Ddinbych a Chymdeithas Bêl-rwyd Cymru i gyflwyno rhaglen pêl-rwyd ar draws y sir sy’n cynnwys:-- Datblygu clybiau yn Sir Ddinbych i gwrdd â meini prawf aur, arian neu efydd cynllun Nod Clybiau Pêl-rwyd Cymru. Gweithio ar addysg hyfforddwyr, datblygu dyfarnwyr a strwythurau clybiau.
- Gweithio gydag ysgolion, athrawon a chanolfannau hamdden i sefydlu clybiau cymunedol iau.
- Cynnal diwrnodau hwyl pêl-rwyd yn ystod gwyliau’r Haf a’r Pasg.
- Cyflwyno cyrsiau hyfforddi pêl-rwyd newydd yr UKCC (UK Coaching Certificate).
Addysg Hyfforddwyr
Dechrau Hyfforddi
Dyma’r lefel sylfaenol o gymhwyster hyfforddi, sy’n rhoi gwybodaeth amlinellol am bêl-rwyd. Gall deiliaid gynorthwyo hyfforddwr cymwys.
Lefel 1 UKCC
Mae Lefel Un UKCC yn gwrs 3 diwrnod sy’n cynnwys nifer o fodiwlau damcaniaethol ac ymarferol sy’n cyflenwi hyfforddwyr â’r wybodaeth a’r sgiliau i gynorthwyo ar lefel clwb.
Lefel 2 UKCC
Mae Lefel Dau UKCC a modiwlau i gynorthwyo’r hyfforddwyr presennol i drosglwyddo eu gwobrwyon i’r fframwaith UKCC i fod i’w lansio ym mis Ionawr 2007. Mae Pêl-rwyd Cymru yn gweithio’n agos ochr yn ochr â Lloegr a’r Alban i sicrhau bod y cwrs hwn yn cael ei gyflwyno’n bydlon.
Addysg Dyfarnwyr
Gwobr Ddyfarnu Q
Anelir y cwrs hwn at ddechreuwyr. Mae’r cwrs yn datblygu theori a sgiliau dyfarnu ymarferol.
Cwrs Dyfarnu Lefel 1
Dyma’r lefel safonol o gymhwyster dyfarnu ar gyfer pob dyfarnwr clwb sy’n gweithio ar lefel leol. Mae’r wobr yn rhoi golwg cyffredinol ar bob agwedd ar bêl-rwyd, a chyflwyniad sylfaenol i dechnegau dyfarnu. Gall ymgeiswyr weithio tuag at eu Gwobr C wedyn.
Cwrs Dyfarnu Lefel 2
Dyma’r lefel uwch o gymhwyster dyfarnu, ac mae’n addas ar gyfer dyfarnwyr sy’n gweithio gyda phob safon o chwaraewr, o ddechreuwyr i lefel elît. Gall ymgeiswyr weithio tuag at eu Gwobr B wedyn.
Clybiau
Merched Prestatyn
Mae’r tîm yma yn chwarae yn Adran 3 Cynghrair Pêl-rwyd Sir y Fflint, ac mae’n agored i rai dros 16 o bob gallu. Cysylltwch â’r Swyddog Datblygu Pêl-rwyd am fwy o wybodaeth.
Clwb Pêl-rwyd Merched Dinbych
Clwb i rai sy’n 15 oed a throsodd. Maen nhw’n cwrdd bob nos Fercher o 8-9.30pm yng Nghanolfan Hamdden Dinbych. I gael mwy o wybodaeth cysylltwch â denbighnetball@aol.com os gwelwch yn dda
Clwb Pêl-rwyd Merched Rhuthun - www.ruthinnetballclub.com
Mae gan y wefan wybodaeth am y clwb, yn cynnwys gemau a chanlyniadau, yn ogystal â gwahoddiad agored i eraill hyfforddi â’r garfan, sy’n chwarae yng Nghynghrair Pêl-rwyd Forresters Sir y Fflint (Adran 4).
Canolfan Hamdden Y Rhyl
Sesiynau pêl-rwyd i Ferched o bob gallu bob nos Iau 7-8pm yng Nghanolfan Hamdden Y Rhyl. Croeso i Bawb.
Pêl-rwyd Iau
Caiff sesiynau pêl-rwyd eu cynnal yn wythnosol mewn Canolfannau Hamdden ar draws Sir Ddinbych i rai dan 12. Sesiynau hwyl ydynt ac nid oes angen archebu, dim ond dod draw a mwynhau.
Gweler y poster am fwy o fanylion….
| Poster Pêl-rwyd Iau - Maint : 80kb |
 |
 |
 |
 |
 |
 |